麥明詩最近忙拍無綫重頭劇《誇世代》，日前被周刊影到她與同劇拍檔余德丞，深夜於中環海濱旁摩天輪拍外景，其間兩人撇甩劇組，孖住到附近日式餐廳食消夜。報道又指二人在餐廳好親密，之後再去連鎖快餐店買雪糕兩份分。
其實早在合作拍攝劇集《誇世代》前，麥明詩與余德丞去年已曾一起到巴西為無綫擔任里約奧運外景主持，對於與余德丞傳出緋聞，麥明詩昨日回應傳媒說：「其實真係冇嘢，因為嗰晚凌晨1點拍到嗰場冇我哋兩個，啲crew要拍其他嘢，我哋要到凌晨3點幾先再拍，所以大家搵大家攝時間，又覺得肚餓先去搵嘢食。」問她是否一杯雪糕兩份食？她解釋謂：「我哋係嗌咗一杯雪糕，不過分咗兩隻杯，因為兩杯雪糕食唔晒！」她又斬釘截鐵說二人沒有發展空間。
採訪：王梓嫚
