梁特進入倒數 - 陳也

梁特進入倒數 - 陳也

時日無多的梁特,傳媒已經度身訂做幫佢設定,任期倒數的路數,大家動腦筋,點條明路佢行:
1,個個周末去恩平浸溫泉。(浸埋個頭落去,可能度到最勁造神方案,日後傍住習神唔驚冇點子。)
2,帶團去大灣區目測霧霾。(鼓勵團友一見邊度無風無霾吹過來,就扑槌買樓。)
3,唔理三七廿一猛落區,盡量多留腳毛,將來迫2.0替他在腳毛區豎立紀念碑。(狼毛,大媽至like。)
4,繼續搵人DQ。(議員已經七七八八,高官有冇機會?頂撞佢那個天文台阿頭,屋企有冇僭建?)
5,在禮賓府埋地雷。(唔係炸彈,係狗屎。養埋成屋曱甴,考驗接班人,識唔識跟小強connect呢。)
6,用3字頭電話不斷「無差別」打給泛民。(對方聽電話時,係咁變態地戇笑。無聊嗎?香港係咁無聊喎,柯P說的。)
7,泛民唔係對手,高佢一皮,搶晒頭版的張小明才是,密密部署絕殺小明大師的秘技。(踢爆大師墨寶原來是秘書所寫,身價暴跌,廿蚊張都冇人吼!)