我唔忍心，見到香港嘅小朋友無得去迪士尼樂園玩。
我唔忍心，見到香港嘅小朋友做完TSA操練後，上完興趣班補完習做埋功課查埋字典後，無得去迪士尼玩。
我唔忍心，見到香港嘅議員教壞細路囉，以為成個香港淨係可以去迪士尼而唔可以落樓下個公園玩囉，恩平也是一個好選擇啊。
我唔忍心，見到香港嘅議員以為唔肯撥款擴建就等於個樂園會執笠咁無知囉。
我唔忍心，見到香港又出豉油又出雞仲要吮埋雞骨服侍你。
我唔忍心，見到有人以為對一間商業機構嘅投資係等於幫一個慈善事業捐錢囉。
我唔忍心，香港嘅議員以為公帑係佢自己銀包私己錢鍾意點fling就點fling。
我唔忍心，香港嘅議員水平變成咁囉。
我有時都搞不清楚，到底香港的議員是幫邊便。他是替主題樂園打工？還是為香港市民監察公帑的運用。他們應該站在香港人的立場出發而不是動輒便用「不忍之心」去替對方講好說話。
不過上有好者下必甚焉。
梁特首和廣東官員會面後，也是忘記了自己究竟站在哪一個陣營，竟然張嘴便說「香港吹南風時污染物會引致廣東省霧霾」。
聽起來你以為他變成廣東省長，教訓香港不要老是指責別人，應該反求諸己。
梁特為了背靠祖國凡事都以「大灣區長」的高層次國家戰略角度出發，我已經無奈接受；但我唔忍心，見到昔日有政壇周慧敏之稱的陸恭蕙，變成陸「恭維」，不敢恭維個恭維。
為老細講盡好話客氣話就係無講真話。
他替CY維權，認為「香港人吹南風會把污染物吹到廣東形成霧霾」只是一句高層的「客氣話」，並非甚麼不科學，太言重喎。
客氣話請你留番客套時候講。