自從青年新政梁頌恆、游蕙禎被政府DQ咗個立法會議席，港獨同自決派聲勢已大不如前，亦冇乜人再公開講呢個話題，不過八方估唔到，原來唔只冇乜人再公開講，就算要搵佢哋嘅代表出席講座，好多人都耍晒太極唔肯出席。
話說華人民主書院搞緊一系列回歸20年回顧系列講座，陶君行同八方講，原本6月有兩場係講自決同港獨，佢一個月前叫助手搵青政及自決派人士、立會議員，希望有人出席做講者，講番佢哋套理念，但巧合地所有人都回覆話唔得閒，搞到阿陶要自己出手，親自出馬打電話畀黃台仰，邀請佢做講者，仲搵埋招顯聰一齊出席，不過阿陶同八方講，最令佢奇怪係，究竟有乜事令咁多港獨、自決派，可以一齊唔得閒呢？