賭王何鴻燊四太梁安琪日前與大女超盈及孻女超欣去台北旅行，原來今次是何家女子組聚會，兒子猷亨與猷君就沒有份參與。超盈在Instagram分享旅行相，三母女全程食不停，去士林夜市掃街、食手抓餅、永和豆漿、粉圓及度小月等美食，認真擦得，難得見四太「貼地」食平民小食，玩得盡興。
近年忙做女強人的超盈透露有兩日假期，就帶媽咪和妹妹極速遊台北一日半，還tag了好友陳柏熹說：「真係去咗台灣㗎，唔係甩你底。」原來，超盈為了家人放陳柏熹飛機，陳柏熹留言回覆：「小姐，你甩底嘅係4日3夜的東京trip，唔係一餐2小時的飯局。」超盈即搞笑解釋：「我係俾老闆挾持㗎。」
採訪：唐如
