餅女楊愛瑾(Miki)去年同永安集團太子爺郭永淳(Edwin)結婚，今年Miki仲做埋媽媽，幫老公生咗個「慈姑椗」Luken，早兩日佢哋兩公婆結婚一周年，咁啱嗰日又係囝囝Luken嘅滿月，Miki就喺instagrem貼圖，見佢抱住已經修晒身嘅咁抱住囝囝同老公合照，真係好sweet sweet呀！
昨日佢嘅好姊妹區文詩就喺微博貼咗佢同鄧麗欣去咗探Luken BB嘅相，但就唔見吳雨霏(Kary)喎！見到素顏嘅Miki抱住Luken，Luken仔仲變咗光頭仔喎，依然表情多多，非常可愛。
Angela留言話：「Luken仔，第一次見你覺得你爸媽都似，今日見你，你已經變咗同爸爸一樣樣喇！」唔知係咪Miki同Stephy都冇化妝呢，Angela就想好姊妹靚啲，貼圖前就用美圖秀秀執過吓張相，但過過咗火，搞到Luken仔好似一個公仔咁！如果係嘅話，就要提醒吓Angela 姨姨，下次執相時，真係要小心啲呀！