鄧永鏘首做外公抱男孫

鄧永鏘首做外公抱男孫

鄧永鏘大女鄧愛嘉(Victoria)在14年底於北京嫁英國男友Christopher Owen,去年中發現有身孕,昨日Christopher在Ig報喜,BB出世了,但就未有透露BB性別,不過鄧永鏘就透露了是個囝囝,Victoria並已經出院回家坐月。
Victoria稍後亦post了一張新相在Ig,黑白相中老公情深抱住B仔,她並留言:「My men, my family, my world」來形容老公與囝囝,看來她滿足現在成為一家三口的狀況。昨日聯絡Victoria就未有回覆,不過公公鄧永鏘一聽到記者恭喜他抱孫就笑不停,他表示:「BB上星期六出世,已經探咗好多次,係仔嚟,重6磅,佢好靚仔,似佢爹哋媽咪。」問到中文名定了沒有?他說:「都諗緊,大家商量,我女婿中文都好叻,佢識講普通話。」
採訪:唐如