圈中有唔少星二代一直人氣高企，當中唔少得嘅當然有邱淑貞大女沈月，任達華囡囡任晴佳，仲有嘅就係上山詩鈉個女Hilary，個個都有最強基因。不過原來「宇宙最強」甄子丹個13歲大女甄濟如(Jasmine)，除咗個樣似足媽咪外，啱啱發育嘅佢，身高仲要直逼有5呎9吋高嘅汪詩詩，最重要係小小年紀唱得之餘仲唔怯場。
啱啱汪詩詩就放咗囡囡表演嘅片段上Ig，Jasmine就唱緊Whitney Houston嘅"I have nothing"，原來Jasmine係為生日嘅呂良偉老婆小娟姨姨慶祝生日。只見Jasmine唱腔跟足Whitney外，仲要唱到七情上面鬼咁肉緊，有網民就留言Jasmine咁有表演欲，提議汪詩詩俾個女入娛圈，唔知宇宙最強爸爸又點睇呢？