剛由西維爾上任嘅羅馬新體育總監蒙奇，周三爆料話據佢所知，「王子」托迪今季結束後就會正式掛靴，結束佢喺呢間母會嘅25年生涯；換句話說，即係五月28日對熱拿亞嘅意甲煞科戰，就會係佢球員生涯最後一戰，但退休後會繼續留喺球會，轉任總監一職。托迪喺羅馬地位超然，絕對夠資格勝任高層，只係球壇自此又少咗一位一代忠臣。