藝人陳美齡出任下屆教育局局長呢個傳聞，由曝光都收工都不過一日起、兩日止嘅事，不過仍然相當為人津津樂道。就連做過教統局（教育局前身）局長嘅王永平，噚日都喺專欄寫文列出幾大理由，撐陳美齡做局長。
平叔一嚟就指出，論資歷、論個人奮鬥，陳美齡都絕對有資格，例如佢自己由歌手做起，去到日本闖出一片天，仲要參與社會事務，加上佢係史丹福大學教育博士外，亦成功培育咗3個仔成才。平叔再講，就算陳美齡冇親身體驗香港回歸前後嘅變化，2014年更加因為只係批評泛民搞佔中而冇深究成因而遭批評，但呢啲反而成為北京接受佢嘅原因。
讚新書檢視港教育
當然更重要係陳美齡本新書，平叔形容呢本書全面檢視咗香港教育嘅問題，由學前教育到大學教育都有，而且有提出解決辦法，單單係呢份分析能力已令平叔刮目相看。