這天(2日)沙田馬場舉行試閘，其中方嘉柏馬房、身價高達1300萬的「瑰麗傳奇」參試第一組1200米泥閘，結果在雷神莫雷拉胯下沿途前置，直路騎落走勢不算差也不算勁，最終得第三名。
「瑰麗傳奇」馬主文壽強有到場睇愛駒試閘。他說：「莫雷拉肯試『瑰麗傳奇』，我當然開心，雷神落馬後笑笑口對我說了兩個字，就是OK。方嘉柏話會立即安排『瑰麗傳奇』照鼻，然後再聯絡我，我希望馬仔冇事。如果牠的健康良好，應可趕及季尾於勝途谷草1800米出賽。」
「瑰麗傳奇」高達二班93分，季初11月曾在二班谷草1800米配雷神大勝對手，打開在港勝門，可惜因腳患問題，季中曾缺陣4個月，上月22日復出更跑到不良於行大包尾，幸好近日可如常力操。此駒如趕不及谷起勇態跑5月10日二班谷草1800米，便要等到6月14日才有此賽程編排。