擁有一把靚聲、被譽為「AO歌王」楊立門（圖）正式獲廠商會委任做行政總裁，下周一上任，日後廠商會同政府嘅關係，真係要買定花生等睇戲。
眾所周知，楊立門同林鄭月娥嘅不和史，幾乎成個政府都知道。2007年，林鄭月娥擔任發展局局長，楊立門該局常任秘書長，有傳楊立門頂林鄭唔順要求到海外進修，佢回港後，出任民政事務局常任秘書長，唔使再跟住林鄭。
而楊立門退休前向傳媒承認，自己的確曾與林鄭就一兩件事有爭拗，但實屬正常，傳聞係渲染喎，佢同林鄭傳過不和，會否令廠商會日後同政府交手，或者想爭取啲乜嘢有所阻滯呢？而廠商會噚日新聞稿話，楊立門擁有30年公共行政履歷，憑藉他豐富嘅經驗同學識，必能帶領秘書處繼續發揚廠商會嘅使命。