早排新聞成日有人用假或入侵其他人嘅LINE或WeChat戶口，呃人買儲值卡去呃錢，但自從騙徒轉移食大茶飯，改用電話扮香港或內地政府部門呃錢，次次一千幾百萬上落，已經好少再聽到呢類儲值卡騙案？但八方估唔到原來仲有騙徒用呢招，而今次被人利用呃錢嘅人，竟然係佔中三子之一嘅陳健民（圖）！早排八方嘅LINE戶口突然俾「陳健民」add咗，個戶口頭像亦係陳健民本人嘅相，到噚日呢個「陳健民」突然搵八方「幫忙」買儲值卡，八方估收到「陳健民」要求幫手嘅人都相當多，搞到真正陳健民係fb發文，話佢LINE戶口俾人入侵，想呃佢嘅朋友買6,000元儲值卡，提醒朋友千萬唔好中招。