陳柏宇與未婚妻符曉薇（Leanne）昨日啟程到英國倫敦影結婚相，一向甜到漏的二人今次影相反而不想太甜蜜，陳柏宇說：「想生活化一啲，同玩味重啲，所以冇禮服同婚紗，頂多得件恤衫。」Leanne指當地天氣凍，自己也不會着得性感。
陳柏宇一心認為與Leanne均是首次到倫敦，怎料Leanne卻說：「噚晚咪同你講咗我去過。」陳柏宇即掩頭笑指要轉地點影。問此行會否順便造人？陳柏宇說：「唔會，如果有咗去到婚禮，就唔可以飲少少酒同玩。」兩人指婚禮籌備順利，但賓客名單最頭痛，因為兩邊家人已經佔近20圍，令他們由原先32圍要再加圍數。
採訪：馬建華
攝影：陳慧安