【本報訊】兩涉案店員除被指行動上互相配合，令事主不就範便要承受肉身之苦外，按事主證供，兩人亦出盡「口術」勸她解囊，包括以「豬仔」暱稱增親切感，又代入她指療程令胸變大對男友也是禮物，甚至當面大談事主乳頭顏色。事主講述此部份證供時一度抽泣。
稱呼「豬仔」扮親切
據女事主彭寶賢昨憶述，次被告李貴萍多次稱呼她為「豬仔」，亦企圖以她利益出發，分享女性心態，「豬仔你（做療程）效果真係好好，一定要做，女人要對自己好啲」、「你鍾意大胸，當送份禮物畀男朋友同自己囉」。
事主多次拒絕付款、要求撤銷交易後，李直斥︰「豬仔你係咪老人癡呆？咪話咗唔可以取消。」又試圖動之以情，打動事主惻隱之心，「（取消交易）我會好難交代，會冇咗份工」、「你取消咗會有好多人失望，有份幫你做療程嘅人都有份去（馬爾代夫）旅行」。事主又指，李聲稱會被上司責罵，惟她折返美容中心時，竟見李與經理有講有笑。
首被告鄭如蓮亦不遑多讓，事主指鄭用儀器壓到她的乳房劇痛後表示「你乳腺真係好塞！一定要㩒，否則餵唔到人奶」、「如果你每個月做（胸部療程），起碼可以升到兩個cup，仲可以幫你整番pink pink」。鄭肆無忌憚評論事主乳頭顏色：「唔好介意，點解咁深色嘅？如果男朋友鍾意吮，仲深（色）㖭呀。」
■記者伍嘉豪