見習騎師巫顯東今朝落力操馬，包括替周三晚(3日)第八場三班1650米的「超強快駒」進行最後備戰。
巫顯東為「超強快駒」在機坪踱步熱身時，練馬師沈集成已坐在欄邊吼到實，極度緊張此駒的進度，其後人馬往內圈操練，沈集成亦監察其出試過程，待馬兒操完，成哥早已企定定，在馬房閘口等候，第一時間聽取東東匯報該駒狀態，可以話有晒出擊動靜，今場爭勝決心毋須懷疑。
「超強快駒」季初11及12月連贏兩仗同程後，便缺陣至今，上月曾經左前腿不良於行，但其實這幾個月近乎無缺過課，一直力操等機會，健康狀態俱理想，而且有足夠休息，季尾階段體力甚至比對手充沛。此駒8戰谷草一哩得3冠1亞2季兩第五全有獎金收，今仗只負111磅，對手們真要領教一下超輕磅之威力了。