早前Square Enix已公佈會在7月底推出新一集《勇者鬥惡龍XI 追尋逝去的時光》3DS版，好多玩家都關心到底Nintendo會唔會同步出埋特別版3DS主機，而答案特別版主機係有，但並唔係係3DS，而是剛公佈的New Nintendo 2DS LL！「勇者鬥惡龍 金屬史萊姆版本」2DS LL主機用色跟已公佈兩款白撞橙及黑撞湖水藍色設計唔同，特別版主機會用上純黑色設計，但機身Detail位十足，如機面印上一系列史萊姆及羅德紋章剪影花紋，機內十字掣位置亦印上金屬史萊姆圖案，但講到最搶眼當然是機面採用金屬鏡面加工設計的立體金屬史萊姆，觀感無疑更醒神，但唔知將2DS LL袋落褲袋或褸袋時會唔會好「銀」呢？「勇者鬥惡龍 金屬史萊姆版本」2DS LL會以同捆版形式推出，除特別版主機及《勇者鬥惡龍XI 追尋逝去的時光》3DS日文版遊戲外，亦加收錄金屬史萊姆主題，「DQ迷」值得入手；但因為要配合遊戲推出時間，金屬史萊姆版2DS LL套裝會在7月29日，比2DS LL正式推出時間7月13日遲半個月，套裝定價22,480日圓（約$1,567）。
資料來源：Nintendo
文：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily