有內地報道指，早前周杰倫以1億8150萬元人民幣登上2017中國百大名人收入榜第3名，僅次於范冰冰、鹿晗，但最近傳出佢哋被中國稅務查。而據中國《經濟觀察報》，名人榜收入計算唔包含名人名下嘅投資收入與經營收入。榜單統計時間範圍係由2016年1月1號至2016年12月31號，收入主要包括電影、電視劇嘅片酬、導演監製費用、專輯收入、演唱會門票收入、比賽獎金、代言費用同出騷價等。
其實周董吸金力真係唔惹少，早前上內地節目《最強大腦》，當被主持人問覺得節目俾到佢啲咩，周董似食咗「誠實豆沙包」直言：「給我滿多東西的啊，就比如說豐富的酬勞」，據悉佢錄《最強大腦》一季大約1300萬元人民幣，《中國新歌聲》(原名《中國好聲音》)一季更高達2742萬元人民幣，齋係2016年收入已突破1.6億元人民幣。