【本報訊】今屆特首選舉參與民間公投人數跌至新低，林鄭月娥當選後社會亦未見大型遊行，戴耀廷不覺民主運動進入低潮，認為只是香港民主運動進入傘運及多次大型選舉後的緩和期，「其實我哋DQ咗689，某程度上有成果喺度，只係未攞到真普選」。
「制度唔公平冇得和解」
對於不少港人由過去爭取「我要真普選」，到特首選舉變為「我要曾俊華」，在特首選舉中按民間公投結果票投曾的戴耀廷指，理解部份民主派挺曾思維：「唔係擁抱曾俊華，而係想透過曾俊華，帶來一種局面改變。」有指曾代表的中間派冒起，戴相信大部份「薯粉」均屬「淺藍」，但連曾如此溫和的建制中人中央都要排斥，「其實（中央）係將薯粉移嚟我哋（民主派）呢邊」。
他認為支持曾俊華及胡國興任特首的市民支持度逾六成，已超過民主派立法會選舉所佔的約57%，「掉番轉頭，唔係我哋俾人食咗，而係我哋食番過去，民主派可能收縮咗，但支持民主嘅人其實多咗」。他相信民主派未來要透過「大策略」，在議會內外夾擊爭普選，包括力爭選舉議席之時繼續進行街頭運動，「今年七一大遊行無論如何一定要出嚟，展示香港人（對爭取民主）永不放棄嘅決心，最好薯粉一齊遊行，反對欽點制度，佢哋以前唔出嚟，今年應該出嚟表態」。他並指近日熱論的「和解論」原則上無錯，「但制度唔能夠公平嘅話，係冇得和解」。
■記者林俊謙