香港娛樂圈市場始終有限，所以識搵嘅一定北上搵人仔，有唔少英皇藝人都致力搵人仔，好似謝霆鋒早年已返內地拍劇兼拍廣告，而近年佢嘅《12道鋒味》系列節目更深受歡迎，一拍仲拍足三季。而霆鋒除咗自家出品嘅節目外，佢去年仲同吳奇隆一齊主持真人騷節目《蜜蜂少女隊》，吸金力真係非同響。
除咗霆鋒，大師姐容祖兒(Joey)都致力攻內地市場，Joey喺內地出過唔少華語碟，人氣梗係有返咁上下，佢多年嚟除咗喺內地登台之外，仲有開唔少巡迴演唱會。陳偉霆就喺2013年轉攻內地，不過佢當時喺人氣真係麻麻，後來因為一套《古劍奇譚》而被封「國民大師兄」，仲即時彈起成為內地灸手可?嘅「小鮮肉」，連續主演咗幾套電視劇，去年更回歸歌手身份喺內地開演唱會。