鍾欣潼近日成功賣出千萬物業套現，其好姊妹蔡卓妍（阿Sa）同樣投資有道。阿Sa前晚擔任周柏豪紅館演唱會嘉賓，身穿紅色露背長裙的她和柏豪合唱《一事無成》，隨後柏豪說：「呢啲就係朋友，我打個電話畀佢，佢就畀個期我。」
阿Sa笑着回應：「我嚟呢度係有目的㗎，就係宣傳我哋套電影！」繼而柏豪大爆：「計數你最叻啦，你係娛樂圈小富婆吖嘛！」阿Sa即反駁：「唔好嘈啦你！呢度有一萬人，如果每人都入場就可以有五十幾萬票房。」柏豪就質疑阿Sa計錯數：「你有冇計錯？我都成日俾人話計錯數，你咁計即係講緊五十幾蚊一張飛。」當阿Sa正步回後台時，柏豪即笑謂：「我細細個聽你啲歌㗎喇！」阿Sa大聲回應：「你去死啦！」
採訪：馬建華
攝影：仇志德
