近日在港嘅印傭心情特別興奮，因為佢哋嘅印尼總統佐科維多多旋風式訪港，啱啱過咗嘅周日仲去機場亞博館同在港印尼華僑會面，現場人士情緒好高漲。
而喺噚日佐科維多多繼續行程，除咗同就過氣嘅特首梁振英同特區新貴林鄭月娥會面，亦特別去咗山頂杜莎夫人蠟像館，原來佢為自己首個蠟像揭幕，都留咗成半粒鐘。
蠟像館去年已經宣佈為佐科維多多打造全球首個蠟像，今年暑假公開展示。咁維多多滿唔滿意製成品？佢自己冇講，但隨行嘅印尼政府代表就向本港傳媒透露，維多多同佢嘅太太都好滿意喎，形容像真度近乎百分百。原來蠟像製成品身上所着嘅衣服同鞋，真係佐科維多多着過㗎。
答案：右為蠟像