【本報訊】「屋訊」作為地產社交平台，其中較吸睛的賣點是VR（虛擬實境）睇樓功能。不過香港樓出名細，劏房、納米樓一眼睇晒，用得着VR嗎？Eddie笑言，經360度鏡頭拍攝後，連150呎劏房睇落都會「好似好大」：「喺一張相片來講，你係見唔到個震撼性。」又指VR最大作用是幫買家做到樓盤篩選，慳番不少時間。
「唔係個個客都受到」
Eddie指有兩類人不鍾意用VR，「女仔好憎玩嘅，會整亂自己嘅頭髮；另外就係年紀比較大，連3D電影都唔想睇，會頭暈。」他發覺，相比戴VR眼鏡，用戶更鍾意用360度照片睇樓，認為更加容易操控，觀感更舒服。
中原亞太區副主席暨住宅部總裁陳永傑表示，「唔係個個客人都受到（VR）嘅，有啲笑話就係睇完頭暈嘅」，相關發展要看公司硬件配合及客人接受度。他指VR睇樓可使買家在了解及比較樓盤時有更好體驗，舉例稱曾有經紀因用VR拍攝了一間獨立屋，令買家更了解物業周邊景觀，最後促成交易。
陳永傑認為VR應用在地產代理業界是「大勢所趨、唔做唔得」，「你唔去與時共進，你間公司變諾基亞。」中原個別營業區今天已使用VR技術拍片，網上也上傳了十幾套片供買家觀看。
「屋訊」現有客戶至富地產營業經理郭綺華表示，客人對VR睇樓感興趣，有幫助吸客，尤其是銷售村屋，因為多數有天台、花園，VR可以睇到外在景觀環境，「分分鐘了解樓盤嗰個情況，好過自己親身到現場，因為親身到現場可能有好多嘢要兼顧，有時或者有啲嘢擾亂咗佢，反而呢個App可以無限loop，睇完一次又一次。」