【本報訊】由工潮發展為大型警民衝突，作為當年最大工會組織的工聯會，一直扮演重要角色。今年5月7日，六七動力研究社首度舉行公祭，社長陳仕源稱會廣發英雄帖給工聯會及中聯辦。而曾經任工聯會常委的他，則承認有當年戰友對工聯會，特別是貴為行政會議成員的鄭耀棠有微言，認為可做更多。
「工聯會會長林淑儀上年出席團拜，承認當年係愛國運動，但係咁唔夠」。陳仕源表示：「為事件定調，中央一定做到，話做唔到係冇可能嘅事。」有左派人士就感歎，陣營內不少人現正摸索要求北京平反六七暴動是否政治正確之際，陳的說話大抵需要額外勇氣。
在粉嶺和合石，近山頂有一塊墓地，低調地埋葬了16人，全部都是在六七暴動中死去的左派工人。這天，走過大段石級，「船長」陳仕源帶記者到來拜祭。「最初完全唔知有呢個墓地，係前幾年一班YP重聚，先知紡織染業職工總會，原來過去40幾年，每年都有嚟拜」。港九工匠總工會、碼頭裝卸貨工會……墓碑都以工會名稱作識別，寫上「不朽」字眼。據知，集體安葬死難工人的安排，甚至碑上「烈士」及「不朽」的字眼，當年均須先經過北京方面同意和支持。
墓地最初無名無姓
陳仕源說︰「最初係無名無姓，只以非洲蘭識別，和合石規定7年要執骨，工聯會當年就透過每個墳穴嘅編號，經過多年尋訪先確定身份，係徵得家屬同意，集體安葬喺呢度。據講其實唔止16人，有啲家人領回埋葬。近幾年，我哋年年5月到嚟拜祭，上年吳秋北（工聯會理事長）都有同我哋一齊嚟；另中聯辦據知亦有私底下嚟拜過，不過就好低調」。
1967年被視作香港歷史分水嶺，但無論港英或中共，為免觸及政權禁忌，大都不願多提，不單教科書沒教，香港歷史博物館展出的「香港故事」亦只有一張展板。被視作敏感題材，但空白歷史卻隨檔案解封及當年參與者留下的資料，披露更多鮮為人知的細節。如紀錄片《消失的檔案》，其中吳荻舟日記披露總理周恩來對鬥爭部署知情，以及北京方面曾考慮引入大批武器來港，亦引起關注和話題。
■記者呂麗嬋