【本報訊】在茶餐廳碟頭飯至少要30、40元的年代，顯徑邨金城小廚的19元一碗「街坊價」叉燒飯彷彿仍是上世紀遺物。老街坊對餐廳結業大感不捨，有人稱三代均幫襯該店，「19蚊一個飯，7蚊茶錢，出面去邊度搵呀？」不只對熟客有人情味，店東連老員工亦照顧周到，曾接中風的燒味師傅到家中暫住方便照顧，有員工打足25年工，坦言「咁好嘅老闆去邊度搵？」
中風員工感激老闆照顧
金城小廚的19元叉燒飯是不少公屋長者的恩物，食客均指叉燒飯抵食又足料，該店更有不少特色小炒，如芥辣雞膝頭、椒鹽魚下巴和反轉蜜汁雞中翼等。72歲秦婆婆幫襯逾10年，幾乎日日打躉，形容店東夫婦對長者很好，最愛燒肉雞飯，日前得知結業消息感到很不開心，「唔知去邊度落腳，出面又貴又唔抵」。90歲陳婆婆由28年前開業幫襯至今，「個女、個孫都由細食到大」，不知道將來到哪裏吃午飯和老友聚腳，「好唔捨得，好似無家可歸咁」。幫襯多年的鄧太替該店不值，「最嬲係領展吓吓話要向股東交代，點解唔可以攞個平衡呢？」
不少餐廳員工亦對結業感愕然，59歲的梁先生是該店燒味師傅，於該店工作17年，約一年多前中風，老闆娘林太擔心他獨居無人照顧，故在他出院後接回其家中居住一晚，其後他逐漸康復，但右手用不到力，無法斬燒味，林太仍以原本人工聘用他協助製作燒味，表達能力欠佳的他坦言對該店結業感不捨，非常感激老闆娘的照顧。
另一樓面員工李女士在該店工作25年，有一傷殘兒子需照顧，不時早退，但老闆不會扣她工資，對餐廳結業感徬徨：「咁好嘅老闆去邊度搵？唔好都唔會做足25年。」
■記者鍾雅宜
