AA制事件後，牛角老闆除了在臉書po了人家的賬單，以饗諸事八卦之徒外，仲立即推出了「AA祭二人餐」，鼓勵網民帶真．戀人去嘆網燒，網民都大讚老闆反應快，水都被他抽乾了。
以抽水促銷，有危有機，成與敗，真係視乎你嘅execution有幾高明，閣下品牌在網上的底子多厚，同網民嗰期吹甚麼風，有時都幾難捉摸。
一般來說，抽趣聞水一定安全過抽不幸事件，去年的迷你倉大火，借題發揮而被轟的包括了演藝界、議員、旅行社等，當事件涉及人命，而且已嚴重影響社會氛圍，便應該加倍克制。
美國有單幾成功嘅抽水案例，可以分享下。
話說去年八月Delta航空因總部附近停電，後備系統又不知如何不能發揮功效，引致航空公司電腦系統大崩潰，其中，位於明尼阿布里斯的聖保羅國際機場就有多班航機被取消，延誤那些，更是多不勝數，無數乘客滯留在機場，鼓躁、失望兼無奈。
這時，距離機場僅13分鐘輕鐵路程的Mall of America發功了，這個面積達560萬平方呎（香港的海港城商場部分約200萬平方呎）的大型商場，向位處機場的社交媒體用戶，推了篇名為：「班機延誤了？你在Mall of America可做的11 件事」的博文。商場嘅數碼經理事後回顧，話透過social listening撈到的資訊，證明好多人被吸引去了佢個Mall玩。
雖然呢位經理冇提供實際數字，不過佢嗰篇文，又確係整得幾過癮，用了許多搞笑插圖，包括一班儍貓玩過山車（佢商場真係有過山車玩的），你唔落叠，delay中都會笑餐飽。
彭瑪莉
mailto:[email protected]