周秀娜、鄭欣宜及導演彭秀慧昨日到圓方出席電影《29+1》特別場，大會在現場預備了蛋糕為本月30日30歲生日的欣宜提前慶祝。問現年31歲的周秀娜會否心急拍拖時，娜姐說：「拍嘅時候真係想搵個男仔拍拖嘅，因為戲裏面感情唔開心，所以每當一拍完返屋企都有孤單感覺，都想側邊有個人陪住自己，但呢樣嘢都冇得心急。」
欣宜坦言對於快將30歲感到有壓力，她說：「喺自己30歲之前投晒啲時間喺事業，𠵱家想做啲自己想做嘅嘢，所以6月會返加拿大，想多啲時間陪屋企人。」問是否想生日在加拿大過？她謂：「30歲就過唔到啦！」說罷欣宜知道自己講錯說話，哈哈大笑。
採訪：馬建華
攝影：陳俊強