唔少年輕人因為有傳林鄭搵陳美齡做教育局局長，先知道80年代原來有呢位歌手，陳美齡過往言論即時受關注，包括曾經批評佔領人士「破壞香港民主」，民主黨區諾軒形容陳猶如「日版屈穎妍」，惹來正版屈女士大反擊。
佢喺親中網媒HKG報撰文，先講到有關陳任局長嘅傳聞疑似係新書宣傳，指自己都去書店行咗個圈，發現對方啱啱出版嘅新書，喺新書展示桌賣剩一本，暗示策略奏效，之後離唔開鬧「反對派」。
佢話，陳美齡只不過講咗啲關心香港教育嘅話箒，就即時由偶像變成公敵，形容狙擊陳嘅人係喪屍「見人就咬」，藉住買陳嘅書嚟睇向民主派出擊，邊指佩服對方對教育有深入鑽研，邊稱：「雖然仍有缺失，但已比那些有破壞冇建設的所謂教育人強得多。」