有關林鄭組班嘅傳聞，越傳越妙想天開。繼歌手陳美齡突然被傳媒指獲林鄭招手做教育局局長咁難以置信後，有傳媒則話林鄭嘅大和解構想，唔只招攬民主黨羅致光一個，前立法會議員李華明都係行會未來熱選喎，唔通真係想行會多個泛民中人，牌面睇嚟都有陣勢啲？
民主黨員入行會喎，認真大件事，八方問過當事人肥仔明，佢得啖笑咁話林鄭從冇搵過佢入行會。咁到底點解會有呢啲消息傳出？可能因為同肥仔明建議過，如果有黨員入閣，凍結黨籍就可、唔使務必退黨有關。
肥仔明直認有此建議，但絕對唔係為自己，只係見羅致光盛傳入閣，為佢着想先有此方案。唔知羅致光又點睇肥仔明呢一番好意？