【本報訊】最低工資實施6年，失業率至今僅3.2%，近乎全民就業。曾被指是重災區的飲食業，也沒如商界預期爆發結業潮，全港食肆牌照數目由2011年逾1.1萬，增至去年近1.4萬，是2000年以來最多。有茶餐廳老闆慨嘆食肆越開越多，「$34.5根本請唔到人」；也有食肆東主撐最低工資增至40元，「淨係自己搵到食，人哋搵唔到，賺咗都唔開心」。
油尖旺餐廳高薪請人
油尖旺大部份食肆都張貼招聘告示，「急聘侍應生時薪50元起」、「清潔員底薪$13,000起+獎金」。「𠵱家係工等人！」太子基隆茶餐廳老闆曹德雪說，近年食店氾濫，搶人成災，過去兩年都缺人手，「好難請長工，好多人只肯做兼職」。其茶餐廳現聘16名員工，人工成本雖佔生意額約45%，但她仍支持調高最低工資，可鼓勵更多人就業。
「啱啱有個樓面出完糧就話唔做」。屯門金莎餐廳東主何先生（圖）現聘4名員工，侍應時薪45至50元，洗碗則55元，全是兼職，去年開業至今都請不到長工，訪問當日其妻子便要一人分擔水吧和樓面。他認為現時物價昂貴，即使調高最低工資至40元也合理，「唔可以因為要搵錢去壓低人哋個工資，最重要係自己搵到食之餘，人哋都要搵到食」。
統計處資料顯示，本港勞動人口由2011年372萬增至今年2月394萬，當中女性佔195萬人，增幅達10.3%，遠高於同期男性勞動人口增幅2.2%。飲食業去年有3.7萬名兼職僱員，佔業內整體人數16.8%，較最低工資實施前上升8,900人及3個百分點，增幅是各行業最多。
「全職好困身」。嘉琳原任職連鎖食店副主任，「成日唔夠人手要調來調去，攞假又難，好麻煩」，她後來辭工照顧女兒，近年才重投職場。嘉琳現做兼職侍應，月入約4,000多元，已及當年全職月薪一半，且彈性得多，「可以同老闆講返幾多個鐘，返少一個鐘，只係賺少一個鐘錢」。
■記者王家文