法國籍騎師杜利萊「無奈休息」了一期後，周日(30日)沙田賽事將策五駒列陣，為了繼續在香港馬圈中艱苦生存，這位45歲老將一定拼盡每一駒。
為何說杜利萊「無奈休息」呢？話說剛周三快活谷夜馬，杜利萊既非停賽，亦非身體不適，也不是有事在身，當晚卻不見他出賽，原因一字咁淺，就係完全冇人俾座騎佢跑，連1200蚊一場策騎費都賺唔到。
好喇，今期杜利萊終於「復出」，當然對啲馬要肉緊啲，今朝佢就主動搵練馬師鄭俊偉研究搏殺大計，兩人周日(30日)合作「幸運坊」、「超然」、「好叻仔」三駒，都係近期陣上表現唔差之馬。其中第四場四班1400米之「好叻仔」上仗同程後上第四，若非直路較遲望空，名次應可更前。
「好叻仔」曾分別和「翔惑」、「喜悅繽紛」串Ｑ，「翔惑」其後兩勝三班賽，「喜悅繽紛」更已攻陷二班，所以「好叻仔」目前仍居四班負127磅，絕對係杜利萊嘅頭馬希望。