江希文2012年跟資深大律師胡漢清閃電結婚，2013年誕下女兒Natalie，之後又閃電分開，自此江希文獨力照顧和教育女兒，在成長過程中，這個單親媽媽角色，十分重要，江希文昨日為了做個好榜樣，帶女兒一齊去捐血，怎料她捐血後暈倒街上。
叫途人報警
昨日有《蘋果》讀者在銅鑼灣時代廣場，見到江希文一個人帶着女兒行街，突然在街上暈倒，不久便有救護車到場，將江希文送院。本報致電江希文，她回覆指自己剛剛在銅鑼灣捐血後，感到身體不適，之後被送往律敦治醫院休息，江希文在電話匆匆拋下幾句：「冇事，頭先去完銅鑼灣紅十字會捐血，真係冇鬼用！諗住同囡囡一齊，教佢捐血救人，點知捐完去到時代廣場頭暈眼花，好驚，即刻坐低，叫途人救我，幫我報警、睇住個女，𠵱家叫屋企人嚟醫院接番個女。」
江希文胞姊江欣燕回覆本報查詢，她表示收到胡漢清朋友通知妹妹突然入院，之後立即致電妹妹：「佢叫我哋唔好過去，因為門口好多記者。」江欣燕解釋妹妹其實有捐血的習慣，她說：「我知道佢啱啱捐完血，好有意義，不過佢唔察覺身體有事，因為佢成日都捐㗎，我問佢係咪冇食嘢血糖低？佢話啱啱食完嘢，都覺得好奇怪。」
約下午5時，江希文在醫院檢查完自行步出急症室，佢苦笑話：「係呀，我暈咗，坐白車嚟。暈之前我去咗捐血，可能係因為食得太飽，所以暈，原本係想幫手，點知搞到咁。」然後與囡囡及女傭坐的士離開。
採訪、攝影：皓騫、梁繼光
難得生性暴龍哥創科眾籌夢，遭隱世肥報販秒殺！ https://goo.gl/hnEB7D
「蘋果VR」App
App store下載： https://goo.gl/0kW2cK
Google Play下載： https://goo.gl/4K7EHw
