梁特爭取臨尾攞威，擺好大灣區隻艇，放餌引人落河，好好醜醜，攬埋當係自己過去N年的亮眼業績。
但梁特自知時日無多，只能勉強開出一張空頭支票，說「銀行職員因為企業越做越大而間接得益，工作更穩陣，年底花紅都派多啲。」沒有最空洞，只有更空洞！香港銀行多過7-11，從業員未到年尾已經硬食無情雞，聽到梁特攞景的廢腑之言，俾嬲俾到上佢鼻！
升呢做了習神的大傍友，大灣區這件job，睇唔出梁特有何板斧，一如既往，例牌偽語先行。當記者問「有冇浸溫泉」，梁回應「我很少喺其他地方浸溫泉」，痛踩劏房波兩腳，擺明唔需要這個豬一樣的隊友！而拐彎抹角遊花園，明顯是怕記者裝佢彈弓。所謂北上浸溫泉，十居其九是吳L星班洗頭艇fans最常光顧的特種行業。大灣區自封龍頭大佬那些地方土豪，梗係唔會去恩平而係大灣區的富x代私竇。而貴為馬會VIP的劏房波，招呼江門訪港的黨代表，點都唔會帶佢去砵蘭街咁礙眼。聽到去恩平浸溫泉這種低品提議，梁副主席乾咳兩聲，陰笑着轉身離去前，好想掏出毛巾抹面，讓電視台拍到髮線上粒粒皆辛苦的汗珠。
難得生性暴龍哥創科眾籌夢，遭隱世肥報販秒殺！ https://goo.gl/hnEB7D
「蘋果VR」App
App store下載： https://goo.gl/0kW2cK
Google Play下載： https://goo.gl/4K7EHw