韓風吹咗幾年都未吹完，富臨（1443）太子爺楊浩宏（Sammuel）噚日就喺旗下韓式餐廳舉行試食會，試食韓牛。
原來佢讀大學時，去過韓國exchange，仲喺當地打過工。不過Sammuel就尷尷尬尬咁話，自己學咗好耐都唔識韓文，「聽少少ok嘅，講就真係麻麻」，咁韓劇呢? 「都係麻麻哋」。
雖然韓文唔識講、韓劇又唔煲，不過Sammuel一樣緊貼「韓流」，睇好韓國餐廳市場，返嚟香港後就開設第一間韓式餐廳「炑八韓烤」，短短3年已有16間分店。佢計劃今年內最多開多9間。
唔知係咪Sammuel覺得exchange對個人成長不少，餐廳員工每年都有一位員工，被挑選到韓國訓練同實習，而且每間分店員工都好young，最年輕21歲就已經做店長，不過店長級別就冇得去韓國實習喇。