Switch 孖寶賽車《Mario Kart 8 Deluxe》4月28日推出，目前已偷跑見街，找來打機YouTuber情侶檔 Hin和Hidy，以及女機迷Saya試玩。一對情侶自信滿滿稱自己有豐富的孖車經驗，但落場較量，居然由零經驗的Saya搶先衝線。
孖寶賽車向來最好玩都是用道具互陰，你掟我龜殻，我擲你蕉皮，越賤越開心。新一集還可以儲兩個道具，令變數更多。就算同伴無出招，電腦車手都狠了很多，本來Hidy衝線之際，就被不知何處飛來的藍龜殻炸中，被Saya偷雞成功。
玩孖車很講運氣，但同樣考技術，遊戲有很多進階加速小技巧。最廣為人知一定是「甩尾捽火」，舊式的孖車按R進入飄移狀態上再左右捽，捽至藍火紅火再放手就會獲得加速。近幾代捽火變簡單了，不用左右捽，只要按着R掣能保持甩尾狀態就會出火。藍紅以外，還有第三階段更快的紫火。也有些玩家沉迷甩尾，直線都要甩一餐，其實幾時甩、甩幾多要看彎度狀況，完全不懂的Saya也取得勝利，證明亂甩不如唔好甩。其他小技巧包括開車加速、跳台加速等等，也可在遊戲中的說明中找到操作，技術含量不會比真實系賽車低，想成為孖寶車神都要花點時間苦練苦練。
記者：司徒港燊
攝影：鄧鴻欣、王國輝
難得生性暴龍哥創科眾籌夢，遭隱世肥報販秒殺！ https://goo.gl/hnEB7D
「蘋果VR」App
App store下載： https://goo.gl/0kW2cK
Google Play下載： https://goo.gl/4K7EHw