國泰航空（293）新一期內部刊物《The Journey》賣花讚花香，力推機艙新嘅一行十座位設計，即係每排3、4、3座位，雖然每行加多一個位，但乘客依然會like咁話。2018至2019年接收嘅5架波音777-300s飛機，就將會係一行十個位嘞。
國泰話，已經邀請50位乘客測試唔同嘅新座位，頭枕、椅背嘅設計同用料都會有所改善。加位之後，三種唔同型號嘅波音777飛機，經濟艙分別可以增加19、28同埋40個位，其中777s（77z）嘅經濟艙座位總數，就將由356加到396，賣多40個位。
國泰改客艙設計賣多啲位，小股東應該滿意，但唔知道到時乘客收唔收貨呢?