李思捷前度、今年26歲嘅王寶寶(春卷)，6年前苦戀大17年嘅李思捷，結果女方難忍男方多次同女藝人傳緋聞，忍無可忍下斬纜止蝕離場。
甩拖春卷重新上市，先同澳門開食肆嘅大隻男文先生拍拖，雙方更見埋家長打算結婚，結果拍拖1年就分手。不過有青春有身材唔愁冇market，昨日有周刊就話日前見到春卷約會擁逾10億物業嘅低調富豪林一鳴。
二人當日喺銅鑼灣利園Cova飲咖啡，有米Uncle仲專誠帶新加坡土產咖央醬俾春卷，一直擅於同熟男溝通嘅春卷，期間同林Uncle有傾有講，離開咖啡店臨上車前，春卷仲同Uncle嚟個goodbye hug，似乎情非泛泛。
對於約會有米Uncle，春卷今日透過電話回應《蘋果》話：「佢(林一鳴)係我朋友嚟嘅，唔係男友，o依家我仲係單身，大家唔好咁敏感。」早排一直休息嘅春卷，透露話嚟緊會出番幕前做嘢。
難得生性暴龍哥創科眾籌夢，遭隱世肥報販秒殺！ https://goo.gl/hnEB7D
「蘋果VR」App
App store下載： https://goo.gl/0kW2cK
Google Play下載： https://goo.gl/4K7EHw