有「最美麗港姐」之稱嘅朱玲玲日前再榮升做嫲嫲，佢大仔霍啟剛同太太郭晶晶24號宣佈生咗8磅B女，連埋大仔霍中曦湊成一個「好」字，亦幫生咗3個仔嘅朱玲玲圓咗有孫女呢個夢。朱玲玲雖有孫女抱，但原來佢同時飽受喪父之痛，其94歲父親朱奇宗於今個月14號離世。
啟剛：多謝關心
朱家上下噚日喺報章登訃聞，公告朱爸爸過世消息，喪禮已於上周五喺香港殯儀館辦妥，訃聞中更印有啟剛同晶晶初生B女的中文名霍中妍。有傳媒指中妍在朱爸爸出殯日同日出世，即朱玲玲同日經歷紅白二事，而朱玲玲回覆傳媒時表示傷心，指爸爸年事已高因肺炎過身，可惜未能見到外曾孫女出世，更指啟剛當日盡孝心送別外公。馮仁昭搵過啟剛，佢以短訊回覆：「多謝關心、謝謝。」
朱玲玲一向孝順，與老父感情深厚，不時見父女二人出街享受家庭樂。上月先被本報影到佢同爸爸、孻仔啟人，同行仲有兩名女友人，喺灣仔船街一間西餐廳食晏，當時朱玲玲不停講話，朱爸爸就坐喺佢對面聽得好開心。
撰文：馮仁昭
難得生性暴龍哥創科眾籌夢，遭隱世肥報販秒殺！ https://goo.gl/hnEB7D
「蘋果VR」App
App store下載： https://goo.gl/0kW2cK
Google Play下載： https://goo.gl/4K7EHw