講起恒基地產（012）主席李兆基（四叔）嘅愛將，大家必然想到執董林高演，但原來四叔最錫嘅人另有其人，佢就係中華煤氣（003）常務董事陳永堅。
此話何解？嗱，根據恒地與煤氣最新年報，林高演舊年總年薪3,109萬元，當中包括花紅2,075萬元，同前年一樣，喺恒地董事入面，林高演攞最高人工；但再望埋煤氣年報，陳永堅舊年袋3,780萬元，包括花紅2,600萬元，同前年一樣。
從年薪同花紅金額去睇，陳永堅仲唔係四叔愛將？66歲嘅陳永堅工程師出身，早於1992年加入煤氣，最初做市務科總經理，5年後已經升做董事。不過又咁講，佢同林高演都係四叔身邊重臣，其實一樣重要嘅。