狼英指揮，唱好大灣區的大合奏開咪，但開聲那位劏房波，推介的是恩平的溫泉，叫人唔使去日本咁遠，擺明剃吳局長眼眉。
吳乃出名的日本控，紅葉、豬扒、女學生，好靚！真係好靚！大灣區咁正，說服到外訪N次飛行哩數全局之冠的吳局長？真是天方夜譚！
吹捧大灣區，唔該做好關公job，吸引港豬，去到最盡！大灣區堅決唔打溫泉牌、安老牌咁老土，強攻港人命，灣區肝！就是說，大灣區醫療全方位開放，港人更換心肝腎脾，即刷卡即換器官的服務，專為港胞加闢特快通道。全國都無送到上門的再生優惠，大灣區是富商以至平民的救命草！大奇蹟！上車，快！換肝，更快！
港人上樓夢碎，紅色資金搶貴晒港地港樓，港豬預計，將來連死地都會被神秘國資炒高。大灣區適時釋出善終福地，要龕有龕，要穴有穴。在生時連納米樓都買唔起的居民，湧大灣區掃貨，往生後豪「住」，溫泉渡假區就在左近，真係好靚！張局長說大陸已成為香港人生活的一部份，可還差送終呢瓣。大灣區安排專人代勞，春秋二祭，過千紅衣臨記交足拜山戲，令你覺得，太公勁過李×記！
難得生性暴龍哥創科眾籌夢，遭隱世肥報販秒殺！ https://goo.gl/hnEB7D
「蘋果VR」App
App store下載： https://goo.gl/0kW2cK
Google Play下載： https://goo.gl/4K7EHw