同新民黨葉劉淑儀分道揚鑣後，田北辰政途真係更加燦爛？八方咁問，係因為港大民意研究計劃喺本月10至12日，即係田二少宣佈退黨後進行嘅調查發現，田二少繼去年10月後，重新打入十大議員榜，仲以56.1分成為最受支持嘅議員，力壓「前度」葉劉，但葉劉評分其實都較1月調查升2.8分至48.5分，今次只能做阿四。同時屈居第二嘅朱凱廸及排第三嘅民主黨涂謹申之下，兩人分別獲52.5及51.8分。
退出公民黨嘅毛孟靜以47.9分排第五，佢嘅前黨友陳淑莊就以46.6分排第六。民建聯李慧琼同蔣麗芸緊接排第七及八，劉小麗就同社民連梁國雄各佔第九及十位。