講起荔園，大家可能第一時間諗起遊樂場，但今個暑假會有新概念。過去兩年荔園舉辦短期式嘅遊樂場將那些年歡樂重現後，今個暑假搞搞新意思，將玩樂精神延伸飲食界，首創「荔園茶餐廳」，以新形式同大眾見面。
據知茶餐廳位於尖沙嘴加連威老道，預計5月下旬開幕。八方問過荔園主席邱達根，佢話原來荔園去年起重新定位，希望透過唔同企劃，繼續同大家connect，今次開茶記係新發展，團隊已增加人手籌備開舖。
據聞荔園吉祥物大象TINO，係唔會放入餐廳，但反而會將一啲具象徵性嘅遊樂項目，用其他方法呈現，食物方面亦會有創意元素，要好睇兼好食，荔園嘅經典雞髀當然有得食。