利物浦周日英超輸喺舊將賓迪基腳下，呢位比利時前鋒梅開二度幫水晶宮作客反勝2:1．入波後仲同因借用條款冇得倒戈嘅馬馬度沙高喺場邊玩包剪揼，激嬲紅軍球迷。唔怪得人嘅，係紅軍唔要人先，唔知高路普見到後防多甩漏，有冇後悔借走沙高？另外，紅軍失三分後前四就危喇，皆因家陣只領先曼市雙雄兩至三分，但就打多人兩場咁囉。