【本報訊】「施比受更有福」這句話適合套用在Betty的家庭。Betty一家從不討論器官捐贈，至丈夫2010年離世時，她與女兒商量後決定捐出丈夫的腎臟及肝臟，為3個家庭帶來奇蹟，「我知3位受助者好健康咁生活，我覺得已經係好好嘅回報」。
「反正人死咗都係化灰」
Betty的丈夫於7年前突腦中風，醫生在救治後指他的腦幹死亡。Betty指丈夫過往身體健康，一家無討論過死亡以至器官捐贈問題；但她當天收到消息後，就萌生捐器官之意。女兒答允後，Betty就捐出丈夫腎臟及肝臟，最後讓3個人得到重生機會。
近年篤信佛教的Betty認為決定與其宗教信仰沒衝突，「反正人死咗，都係一把火化成灰……點解唔可以捐贈出嚟，幫到更多人」。她稱相信丈夫也同意捐器官，只是生前沒機會填捐贈卡，「最後救咗3個人，對我丈夫嚟講係積咗好好嘅陰德」。她又指至今仍感覺到丈夫「活在世上」，「佢嘅器官仲喺世界上某一個角落生存緊，只係靈魂去咗好遙遠星球，或者升咗天做無憂無慮嘅神仙」。最近她亦寫了封信抒發情懷。
她稱若逝世者的器官能延續他人生命，對死者或其家屬都是一種福份，「好過要一個活生生嘅人受（捐贈器官）手術嘅苦，（這精神）其實係最大愛」。
■記者于健民
