由02年開始經營「音樂人教室」的張崇德，大前年因尖沙嘴業主狂加租而將教室搬到翻新重建的荃灣TML廣場繼續音樂夢，豈料地政總署近年嚴厲取締各區工廈的違契單位，令不少藝術工作者及小商戶被逼遷或結業，張崇德近日便接獲業主通知指他違契，今年8月租約期滿後不再續約予他。
身為苦主的張崇德昨日在荃灣教室接受本報訪問時無奈說：「上個月收到業主通知，話呢座大廈唔可以做非工業用途，所以8月之後唔租畀我，之後睇到報紙話原來呢座大廈大部份係違規嘅。」何以租用單位前未有查清楚？他說：「個經紀朋友知我做呢行而帶我去睇嘅，我好多朋友都係去工業大廈做workshop、錄音室，我嚟睇嘅時候大部份單位都係寫字樓，冇一個界定原來創意工業係唔得。」
「仲可以去邊？」
張崇德指教室1,900呎，月租約三萬港元，開業未夠三年便要遷走，投資60萬裝修化為烏有，他說：「梗係無奈啦，冇諗過咁短時間就要搬，我做生意十幾年，經營成本一路增加，特別係租，我已經由尖沙嘴搬到咁遠呢度先可以繼續生存，𠵱家又出現呢個問題，對我嚟講冇生存空間，你仲可以去邊度呢？如果工業樓都容納唔到做音樂、做藝術嘅人，仲有乜嘢地方可以？一係返屋企自己匿埋。」
張崇德續說：「香港工業樓宇有幾多係真正工業用途呢？我從來冇怪責任何人，因為做得呢個生意，你就有一啲現況你要接受，所以一路都盡能力捱落去。」他坦言資金上沒可能從頭再開始，現時仍在思考將來打算。
採訪：魯吉
攝影：沈健程
緊貼「蘋果VR」熱潮，打開雙眼隨意門，讓「蘋果VR」陪您探索新世界： https://goo.gl/b5RQAB
「蘋果VR」App
App store下載： https://goo.gl/0kW2cK
Google Play下載： https://goo.gl/4K7EHw
