出生時腦部缺氧導致先天性腦麻痺，林皜宜（Alicia）右半邊身行動不便，令她自小飽受歧視及欺凌。多年壓抑一朝頓悟，「我身體唔夠好，但我頭腦唔會比你哋差」，憑毅力堅持學習，克服天生障礙，將於今年學士學位畢業，並獲政府獎學金嘉許，「我同一般人係冇分別，我好努力生活、生存緊」。
出生時腦缺氧令腦部受損，Alicia左腦功能僅得常人三至四成，右邊身活動能力受損，至一歲仍未能正常爬行，兩歲始學懂說話。為免肌肉萎縮退化，母親自小帶她嘗試不同方法，物理治療、針灸、刮痧已屬尋常，「中二前每星期都要去做兩次職業治療，半邊身放電去刺激神經，痛到眼淚不停咁流」。
疾病令右手手指關節凸出，細微動作如執筆、扣鈕、打字等只能靠左手，「你哋寫字會用另一隻手撳住張紙，但我用右手撳得太耐都會痛」。肌肉發育不平均更致長短腳，加上腦部反應較慢，連走路亦一拐一拐，「一個星期都會仆兩至三次」。
在父親要求下入讀主流學校，左腦受損的Alicia數理表現較差，加上課餘要進行治療影響學習，長期包尾，小學起已遭同學歧視與欺凌，「佢哋會笑我係『雞爪』係『八爪魚』，會話『你好廢』，直到中三之前行過走廊都會俾人kick」。
困難與挫折未有打沉Alicia，高中後決意改變懦弱性格，「試過打畀以前欺凌我嘅同學，講我冇咁易畀佢打殘」，在各方面爭取領袖角色，更自我挑戰做侍應，「學托盤都學幾個星期，最後連本身唔睇好個經理都讚」。
翻聽錄音逐字抄筆記
先天不足要靠後天努力彌補，Alicia文憑試後就讀IVE，為追上進度從不走堂，每晚翻聽堂上錄音逐字寫下筆記，打字慢亦堅持通宵敲打鍵盤完成功課，GPA保持3字頭，成功升讀才晉高等教育學院（SHAPE）學位銜接課程，今年6月畢業，上周更獲政府展毅獎學金嘉許。
將進入社會，Alicia望投身活動策劃行業，享受由零開始拼搏的滿足感，不希望因身體缺陷被標籤，「（僱主）唔好理一個人係唔係健全，其他嘢都要考慮埋」，她最想生活無憂活得開心，「令家人唔會擔心我」。
■記者佘錦洪