【本報訊】除了國際時裝品牌之外，「港隊代表」的競爭亦不容忽視。Bossini（堡獅龍、592）行政總裁麥德昌就較欣賞Giordano的多品牌發展：「我覺得佢哋做得好，但我哋唔可以exactly係佢，我哋嘅款係多佢哋好多，佢哋就focus（專注）。」
無意分拆系列開店
創立36年的Giordano旗下擁有Giordano、Giordano Ladies、Giordano Junior、BSX及Beau Monde五個品牌，惟Bossini卻只集中經營單一品牌。
財務董事陳卓謙指，暫時集團未有計劃將某系列分拆開店，麥德昌則補充，集團於2002年曾在內地推出過副品牌「SPARKLE」，主攻中低價格產品及20至40歲的消費群，當時更找來明星陳慧琳做代言人，可惜在內地打價格戰不容易，最終失敗收場。
麥德昌和陳卓謙笑言，平日除了巡視Bossini店舖，亦會到對手店舖試探軍情，始終認為Bossini與對手仍有「微妙的分別」：「例如有啲brand鍾意型格少少，咁佢哋做crossover就唔會咁colourful，大家都會有啲分別係度。」