賣樓廣告忽然爆紙，報章厚疊疊都是全版廣告。泰國馬拉澳洲日本加拿大唔出奇，連緬甸仰光都來分一杯羹，香港人真係咁踴躍買樓？頭版報道，一個新樓盤118伙，三小時沽清，比咖喱魚蛋的銷情更勁！如果係大陸，肯定是假新聞。本地造假賬谷高樓價，以前唔係未試過，谷到爆煲，負資產銀主盤梗有一個喺左近的烏暗日子，看來好快重臨。
本土樓被搶一空，買樓那些幾多是有色資金？搶貴地，搶貴樓的特種銀團大包圍，香港人始終上唔到車。人民日報和梁振英攞景叫人上大灣區的車，要快！大灣區不是三藩市 Bay Area。梁振英講到明，要按中國時間表，將港資帶入大灣區。那就是說，上車，要俾車費，維修保養保險牌費有無數得計？難說了。過往在大陸投資吃過大大小小虧的港商，掹車邊都唔制！有個茂李已經公開唱反調，講金唔講心，做場大龍鳳容易，真金白銀擲落東莞佛山鹹水海，回歸二十年了，還當精甩尾的港商是盲毛的梁振英，幹部屁股指揮腦袋，扭軚掟大灣這個死亡彎位，係人都知渣都無剩。大灣區上車的香港小老闆，小心背脊被放冷槍！被葉繼歡！
緊貼「蘋果VR」熱潮，打開雙眼隨意門，讓「蘋果VR」陪您探索新世界： https://goo.gl/b5RQAB
「蘋果VR」App
App store下載： https://goo.gl/0kW2cK
Google Play下載： https://goo.gl/4K7EHw