澳洲籍騎師潘頓最近連贏五個賽日，手風甚順，其中近四戰更專幫亞軍馬補中，分別勝出「乘勢好運」、「勝得威」、「老友威威」及「妙感」四匹上仗均跑第二之馬。
周日(23日)沙田日馬潘頓座騎中，第四場四班1650米泥地之「旅遊大使」，上仗於同班同程只不敵突然神勇嘅「駕喜」屈居亞軍，今次原庄配搭續用潘頓，當然值得留意。
「旅遊大使」轉跑泥地後三戰獲一亞兩殿，而且常在不利形勢下跑得好，其中上仗在彎位一段步速甚慢，此駒被困馬群，未能改變位置仍居尾列，而末段快至23秒05，比起當晚三班同程仲要快接近半秒，形勢上完全不利追，但「旅遊大使」直路仍能從尾叠衝上跑第二，其實難度甚高，本身經常能衝23秒以內，今仗交回相若竄勁，已足以贏馬補中。