原名林伯恒的高飛於70年代活躍影圈，經常在成龍、洪金寶的電影中飾演反派，上月底因前列腺癌在北區醫院離世，終年65歲。昨日在大圍寶福山紀念館設靈，靈堂以簡約佈置，橫匾寫上了「德範長存」，並於接待處放了一張他生前的黑白劇照，而其中風、坐輪椅的獨子林志強（Jimmy），已早在靈堂打點。
Jimmy患抑鬱狂躁
高飛生前的好友如尹揚明、吳毅將、丁羽、白彪及前足球員張志德都有前來致祭，提到Jimmy傳欠租被迫遷一事，尹揚明表示：「搵大埔區議員、社署，佢哋一直有跟進個案，後來斷咗聯絡，知道佢個仔原來唔肯去社署見面，又唔肯接受安排，佢生活上會有好多朋友照顧佢，會幫佢着手搵地方，但亦都覺得佢有抑鬱同狂躁，都幾嚴重，同高飛姑媽有溝通過，大家目標係一致，希望佢接受治療，對症下藥，至少佢企得返起身，唔使坐輪椅，會盡力勸佢。
白彪：佢鬥心好強
白彪就透露與高飛相識43年，他說：「由邵氏開始做武師，好多年老友，佢一手搞明星足球隊，志偉阿倫一手一腳搵番嚟。」白彪表示知道對方患癌已有5年，「知佢一直樂觀，鬥心好強，捱咗5年，我二、三月喺加拿大同佢傾電話，把聲好精神，之後聽到佢家姐講癌細胞去到膀胱，仲食唔到嘢。」提到Jimmy生活困難，他表示已知導演會、武師會及明星足球隊會籌款，而視高飛為恩師的吳毅將，回憶恩師一手提拔他拍電影做主角，他說：「係我第一部電影搵我做男主角，之後仲拍咗好幾部，佢個人好好，好大方，好肯教後輩嘢，我啱啱出嚟拍嘢乜都唔識，飛哥教我慢慢學。」
採訪：曹家誠
攝影：陳慧安
緊貼「蘋果VR」熱潮，打開雙眼隨意門，讓「蘋果VR」陪您探索新世界： https://goo.gl/b5RQAB
「蘋果VR」App
App store下載： https://goo.gl/0kW2cK
Google Play下載： https://goo.gl/4K7EHw